Ürəyim yaman agrıyır,
Məni Təbrizə çatdırın.
Qaldıqca qübar bağlayır,
Məni Təbrizə çatdırın.
-Nəyə gedək-deyib sorman,
Tələsiyin, nolar, durman.
Nə həb verin, nə də dərman,
Məni Təbrizə çatdırın.
Ölüm orda, dirim orda,
Göyüm orda, yerim orda.
Lap qoyun can verim orda,
Məni Təbrizə çatdırın.
Sərhəddindən qaçıb keçin,
Ya da qanad açıb keçin.
Üzüb keçin, uçub keçin,
Məni Təbrizə çatdırın.
NAMIQ MEHDILI
Hiç yorum yok:
Yorum Gönder